当前位置:主页 > 专家拆局 >

科娜:阿仙奴半场和够侯

/sitemap.html 2016-02-27 21:39 来源:互联网  

英格兰足总盃嚟到16强阶段,今晚早场上演2014年决赛翻版战,由衞冕嘅阿仙奴主场斗英冠「一哥」侯城,当年两军喺法定时间打和2比2,「兵工厂」加时赢3比2捧盃。「兵工厂」实力当然较高,又有往绩支持正路秤先啲,不过佢哋下周中要喺欧联16强硬撼巴塞隆拿,今场可能勒住踢,球队近6仗主场4次开出半场和,一于再追!

(周六晚8时45分开赛)

「兵工厂」阿仙奴上周英超激斗榜首李斯特城,喺落后情况下将士用命,补时阶段靠久休复出嘅韦碧克绝杀,反胜对手2比1,保持英超争标希望。「兵工厂」依家3线作战,除咗力争联赛冠军,仲有欧联同英足盃,论重要性当然前两者紧要啲。

阿仙奴喺英足盃一路抽到好籤,先后击败新特兰同般尼晋级,今仗16强对手亦只不过係英冠级数嘅侯城,预料领队云格会继续派遣部分副选出战,好似19岁新星艾禾比、新兵艾利尼、今季并非常规正选嘅阿历士张伯伦、祖尔甘保等都有望正选上阵,畀一班主力好似阿历斯山齐士、奥斯尔及艾朗蓝斯等大将抖吓,全力应付下场欧联16强首回合恶斗「地上最强」巴塞。

防守硬淨 侯城缩后「泊大巴」

再睇埋「兵工厂」近6仗主场赛事,冇一场係喺上半场领先,当中有4仗开出半场和,包括上两圈英足盃对般尼同新特兰。「老虎」侯城依家排喺英冠榜首,靠嘅就係稳健防守,近8场有6场係零失球,而近5场亦有4场开出半场和,呢4场嘅半场都係同对手打成0比0,今场嚟到酋长球场,「老虎」唔敢也文也武,料会缩后嚟踢玩「泊大巴」,初段要闷和阿仙奴班二线兵,难度唔算大,相信战况会逞胶着,半场和值得一博。