当前位置:主页 > 专家拆局 >

Mic少:费伦拿玻里颓爆献细

/sitemap.html 2016-02-29 21:15 来源:互联网  

Mic少:费伦拿玻里颓爆献细

今晚意甲双料娱乐,重头戏係两支前列球队交锋,费伦天拿主场斗拿玻里!拿玻里连接喺联赛及欧霸盃失利,更爆出老闆迪罗伦迪斯同射手希古恩不和事件,势必加速呢位阿根廷国脚离队,令球队雪上加霜。至于费伦天拿亦喺欧霸盃出局,士气亦唔会好得去边,加上论往绩一向被拿玻里食住,想发围亦唔容易,最好拣入球细。

(TVB301周二凌晨4时直播)

希古恩哑火兼有离心

拿玻里继早前榜首之战输畀祖云达斯,失去一哥位置后,上周中亦喺欧霸盃出局。最攞命係爆出首席射手希古恩拒绝续约,准备今季转投车路士或巴黎圣日耳门等豪门。拿玻里老闆迪罗伦迪斯亦不甘示弱,公开批评希古恩贪钱、跳草裙舞,仲寸佢近期肥咗几磅,应该加操重拾状态。

希古恩今季联赛已轰入24球,高踞射手榜一哥,但包括欧霸盃在内近4仗都食白果,表现明显跌Watt,睇嚟迪罗伦迪斯嘅批评并非全无道理。不过,希古恩听完呢番言论肯定躁上加躁,离队更坚决。如果佢无心恋战,拿玻里攻力肯定大打折扣。事实上,拿玻里已连续6场开细,值得再追。费伦天拿同样喺上周中欧霸盃出局,「紫百合」近6次主场对拿玻里录得2和4负劣绩,所以就算拿玻里状态低迷,恐怕费伦天拿亦未必佔到甜头,受让都唔稳阵,建议拣入球细。

拉素主W有萨冇赔

另一场意甲拉素主场对萨斯索罗,意甲球队之中,拉素今期最威,打入欧霸盃16强,近4仗主场亦赢3仗。萨斯索罗近8仗赢得1仗,今仗仲有中场主力米斯莱利停赛,更加难同对手抗衡,捧主胜。

(TVB301周二凌晨2时直播)