当前位置:主页 > 专家拆局 >

科娜:红军曼城争盃大晒

/sitemap.html 2016-02-29 21:17 来源:互联网  

科娜:红军曼城争盃大晒

近9交手全演入球骚

英联盃决赛,「红军」利物浦喺温布莱球场大战「蓝月亮」曼城。嚟到2月尾,「红军」终于摆脱伤兵问题同密麻麻嘅赛程,领队高普难得遇上「幸福的烦恼」,大部分主力均可出战今场大战,对住攻强守弱嘅曼城,随时合演入球骚!双方近9次交手皆开大,1.85倍嘅入球大有买趁早。

(TVB301周一凌晨零时30分直播)

「红军」係英联盃8届霸主,为夺冠次数最多球队,对上一次赢得呢项赛事係11-12球季。至于暴发户「蓝月亮」曾3夺英联盃,最近一次係13-14球季,领队比历连尼亦喺该季成功带领球队赢得英超,成为双冠王。比帅教埋今季就会被哥迪奥拿取代,今场英联盃决赛大有机会係佢离开曼城前最接近冠军嘅一次!事关曼城喺英超落后榜首李斯特城6分排第4,捧英超难度高;英足盃刚刚不敌车路士出局;欧联强队林立,即使「蓝月亮」有望进身8强,但要笑到最后捧盃而回,难度系数爆灯!

高普难得夫添火力全开

虽然有话自从「蓝月亮」宣布下季易帅后,比历连尼就开始Hea教,但科娜唔相信佢会连盃都唔想捧囉!况且比帅深得球员尊重,阿古路、赫特、萨巴列达等主力先后公开力撑呢位62岁教头,要求队友出尽全力应战,以奖盃欢送比帅。曼城上下矢志捧盃,当然係要将超强火力推到极致,王牌射手阿古路近3次斗「红军」入咗2球,呢位27岁阿根廷射手喺上场欧联作客基辅戴拿模表现抢镜,又盛传即将同曼城续肥约,成为队中最高薪球星,人逢喜事精神爽,今场做埋捧盃英雄都唔奇呀!

「激情主帅」高普上任利物浦领队短短4个月,遇上伤兵严重同超密赛程,搞到成绩睇落同罗渣士时期差唔多,但其中一个明显嘅改变係「红军」面对强队特别醒神,打防反最煞食,代表作有联赛作客车路士同曼城分别大胜3比1及4比1。「红军」近期主力相继复出,史杜列治、菲腊比古天奴同罗拔图法明奴组成嘅前线,射术、传送、速度兼备,另一中场大将拉尔拉拿亦有望伤愈复出,新星奥历治、佐敦伊比则喺后备席随时侯命,「红军」面对强攻而导致防线出现漏洞嘅曼城,易食指数高喎!连同热身赛,两军对上9次碰头全部开大,当中更有7场总入球高达4球或以上,今场入球大细中位数维持喺2.5球,冇理由唔捧大盘呀!